Lenovo, Avropa versiyası Tab P11 olaraq təqdim ediləcək Xiaoxin Pad Pro planşetinin xüsusiyyətlərini açıqladı. Yenilik, bu ilin əvvəlində elan edilmiş Tab P11 Pro modelinin daha sərfəli versiyası olacaq.
Snapdragon 662 prosessoruna əsaslanan yenilik 11 düymlük 2000×1200 piksel IPS ekran alacaq. Cihazın operativ yaddaşının həcmi (LPDDR4X) 6 GB, daxili UFS 2.1 yaddaşı 128 GB olacaqdır. Yenilik 8 meqapiksellik ön kamera və 13 meqapiksellik əsas kamera ilə təchiz ediləcəkdir.
Planşet IP52 standartına uyğun sudan qorunacaq və 20 vattlıq sürətli şarj dəstəyi ilə 7700 mAh batareya alacaq. Yeniliyin təqdimatı oktyabrın 20-də baş tutacağı gözlənilir. Planşetin qiyməti hələ məlum deyil.
