Omdia araşdırma şirkəti, 2020-ci ilin ilk rübündə qlobal smartfon satışları ilə bağlı statistikanı açıqladı. Yayılan məlumatlara görə, ilin əvvəlində ən populyar smartfon 19,5 milyon ədəd satılan iPhone 11 oldu.
Omdia mütəxəssisləri hesab edirlər ki, iPhone 11-nin uğuru iki amil ilə əlaqələndirilir. Birincisi, smartfonun rekord satışına ənənəvi olaraq Apple’ın yalnız bir neçə iPhone modelini istehsal etməsi təsir edir. Bunun sayəsində istehlakçıların diqqəti yalnız bir neçə smartfona yönəldilmişdir.
İkincisi, iPhone 11-in yüksək satışları, iPhone XR ilə müqayisədə smartfonun qiymətinin aşağı düşməsi ilə əlaqədardır. Apple, iPhone 11-i iPhone XR-dən 50 dollar daha ucuz etdi, bu da istehlakçı marağının artmasına səbəb oldu.
