Bitpoint-in Yaponiyada yerləşən mübadiləsi məntəqəsi hakerlərin hücumuna məruz qalıb. Ümumilikdə hakerlər soyğun nəticəsində 32 milyon dollar əldə ediblər. Bu barədə Bitpoint sahibi olan Remixpoint şirkəti məlumat yayıb.
Şirkət rəsmilərinin sözlərinə görə ötən günlərdə Ripple kriptovalyutası ilə qeyri-qanuni və şübhəli tranzaksiyaların gerçəkləşməsi xəbərləri gəlmişdi. Daha sonra eyni halın digər kriptovalyutalarda da baş verdiyi məlum olub. Qeyd edilir ki, 32 milyon dollarlıq kriptovalyutanın təxminən 70%-i servisin müştərilərinə məxsus idi. Remixpoint rəsmiləri bildirib ki, şirkət öz müştərilərinə onlara məxsus məbləği geri qaytaracaq.
Xatırladaq ki, ötən il hakerlər digər kriptovalyuta (Coincheck) mübadilə məntəqəsinə (Yaponiyada) hücum ediblər və 530 milyon dollar oğurlayıblar.
