Məşhur insayder Mukul Sharma Twitter-də çox maraqlı bir mübarizəni paylaşıb, hansı ki, Xiaomi və OnePlus arasında cərəyan edir.
Belə ki, şəkildən göründüyü kimi, reklam plakatları bir birlərinə çox yaxın məsafədə yerləşdirilib. Xiaomi özünün büdcə smartfonu olan Redmi K20, OnePlus isə flaqman olan 7-ci seriyanı reklam edir. OnePlus plakatında Robert Downey Jr (Marvel filmlərindən Toni Stark kimi məşhur olan) əlində OnePlus 7 ilə göstərilib. Redmi plakatında isə «Starkly superior to the latest one» yazılıb ki, bu da tərcümədə «Sonuncu birisini tamamilə üstələyir» mənasını verir. Burada olan «one» və ya «birisini» kəlməsi məhz OnePlus-a ünvanlanıb.
