Samsung Galaxy Note 10 smartfonunun şirkət tarixində ən böyük ekrana sahib olacağı deyilir. DaVinci kod adı altında şəbəkəyə sızdırılmış Galaxy Note 10 flaqmanının displeyi iPhone XS Max ilə müqayisədə daha böyük ölçüdə olacaq — 6.66 düym.
Cihaza daxildən ən son Qualcomm Snapdragon 8150 prosessorunun quraşdırılacağı da qeyd edilir. Bu, 7 nanometrlik rəsmən hələ təqdim olunmamış çipdir. Samsung Galaxy Note 10 ən kiçik modeli üçün 1077 dollar qiymətə satışa çıxarılacaq. Yeni flaqman 2019-cu ilin payız aylarında təqdim ediləcək.
