Təcrüblə media-analitik Porter Bibb-in sözlərinə görə, Microsoft şirkəti Netflix-i almaqla media bazarında öz yerini tutacaq. Bibb texnologiya və KİV sahəsində 40 ildən çox təcrübəyə malik Uoll-Strit analitikidir. Onun proqnozlarına görə, Microsoft tez bir zamanda Netflix-i ələ keçirməyə cəhd edəcək.
«Onlar bulud texnologiyaları sektoruna girməyə çalışırlar. Lakin, bunun üçün heç bir kontentə sahib deyillər. Məhz bu tip kontentə malik olan Netflix Microsoft-un hədəfinə çevrilib», — deyə Porter Bibb bildirib.
Qeyd edək ki, Netflix şirkətinin bazar dəyəri 142 milyard dollar təşkil edir və şirkət səhmlərinin dəyəri son 12 ayda 100% artıb. Müqayisə üçün bildirək ki, Microsoft-un bazar dəyəri 739 milyard dollar təşkil edir.
