Nar-ın yeni «Pulsuz həftəsonu» kampaniyası sayəsində artıq bütün Nar abunəçiləri həftənin şənbə və bazar günləri öz aralarında pulsuz danışa bilər. Kampaniyaya qoşulmaq üçün 777 qısa nömrəsinə SMS-lə «heftosunu» yazıb göndərmək kifayətdir. Kampaniyadan istifadə etmək tamamilə ödənişsizdir.
Qeyd edək ki, həftə sonlarında pulsuz danışıq imkanından yararlanmaq üçün həftə içi günlərində (bazar ertəsindən cümə gününə kimi) Nar nömrəsi 2 AZN məbləğində balans istifadə etməlidir. Həftə ərzində bütün istiqamətdə zənglərə, SMS-ə, mobil internetə və həmçinin Turbo paketlərinə sərf olunan məbləğlər hesaba alınır və 2 AZN-dən çox olduğu halda, həftə sonlarında şəbəkədaxili zəng xidməti pulsuz təqdim edilir. Şənbə və bazar günlərində təqdim olunan pulsuz zənglərin həcmi 500 dəqiqə olaraq müəyyən olunub.
