WhatsApp messenceri komandası istifadə qaydalarına mühüm dəyişikliklər edib. Belə ki, meseencerdə qeydiyyat üçün tələb olunan yaş həddi qaldırılıb. Avropa Birliyi ərazisində 16 yaşa qədər uşaqlar messencerdə qeydiyyatdan keçə bilməyəcəklər. Digər regionlar üçün yaş həddi 13 təşkil edir.
Xatırladaq ki, 25 may 2018-ci ildən etibarən Avropa Birliyi ərazisində «Məlumatların qorunması reqlamenti» adlı qanun qüvvəyə minəcək. Bu qanun məlumatların istifadəsi məsələlərində şəffaflığı təmin edəcək. Qanunu pozan şirkətlər 20 milyon avro məbləğində cərimə olunacaqlar. Bununla əlaqədar Facebook, WhatsApp, Instagram və digər servislər son günlərdə öz istifadə qaydalarında dəyişikliklər edir.
