Adidas şirkəti cari aprel ayının əvvəlində öz mağazalarının bağlayaraq online alış-verişə keçid almaq planları haqqında məlumat verib. Şirkət başçısı Kasper Rorstedin sözlərinə görə, online mağazalar daha gəlirli bir seqmentdir.
«Alıcılar əgər dükandan bir cüt ayaqqabı alırlarsa, online mağazadan ayaqqabı ilə yanaşı corab və şort da səbətə əlavə edirlər», — deyə Kasper Rorsted bildirib.
Adidas artıq offline mağazaların bağlanılmasına start verib. Yaxın 5 il ərzində offline mağazalardan tamamilə imtina ediləcək. 2017-ci ildə internet alış-veriş seqmenti şirkətə 1.6 milyard dollar gəlir gətirib. Şirkət digital əməliyyatlara 900 milyon dollar vəsait ayırıb ki, bu da növbəti illərdə online seqmentə keçid üçün istifadə olunacaq.
