Elon Musk-ın SpaceX şirkəti 7 fevral tarixində indiyə qədər hazırlanmış ən böyük və ən çox ağırlıq qaldırma gücünə sahib Falcon Hevay raketini kosmosa göndərib. Raketin daxilinə simvolik olaraq Tesla Roadster avtomobili yerləşdirilib. Eləcə də, detalların birində «Made on Earth by humans» yazılıb ki, bu da tərcümədə Yer «kürəsində insanlar tərəfindən hazırlanıb» deməkdir.
Lakin, təəssüflər olsun ki, bu tarixi hadisə problemsiz ötüşməyib. Belə ki, Falcon Heavy-nin iki cinah sürətləndiriciləri Yerə qayıdıb normal eniş edə bilsələr də, əsas Mərkəzi sürətləndirici raketdən ayrıldıqdan sonra Yerə 500 km/saat sürətlə Atlantik okeana düşüb və mühərrikini ciddi zədələyib. Digər bir problem isə Falcon Heavy raketi ilə bağlıdır. Belə ki, raket Marsın orbitini kurs olaraq təyin etsə də, sonradan bu istiqamətdən yayılaraq daha dərinə, Günəş sistemindəki adsız asteroidlərə doğru yönəlib. Qeyd edilir ki, raket Yupiterin peyklərinə doğru hərəkət edə bilər.
