Artıq yeni tendensiyaya əsasən smartfonların displeyləri daha da böyüdülüb, çərçivələr isə ya kiçildilib, ya da ümumiyyətlə ləğv edilib. Bütün bu dəyişikliklər flaqmanlarla yanaşı orta qiymət seqmenti smartfonlarına da toxunub. Xarici görünüş ilə yanaşı, smartfonların daxili hissələri də inkişaf etməkdə davam edir.
AnTuTu bençmarkı mütəxəssisləri 2017-ci ilin ən güclü prosessorlarının reytinqini açıqlayıb. Birinci yerdə hazırki flaqman Qualcomm Snapdragon 835 qərarlaşıb. İkinci və üçüncü pillələrdə də müvafiq olaraq Qualcomm təmsilçiləri yer alıb: Snapdragon 820 və Snapdragon 821. Dördüncü yerdə Kirin 960 prosessoru, top 5-liyi isə Snapdragon 625 prosessoru qapayıb. Ümumilikdı reytinqdə Helio X20, Helio P20, Snapdragon 660 və 652, Kirin 950 kimi prosessorlar yer tutub.
Yeni təqdim ediləcək Qualcomm Snapdragon 845 prosessorunun isə reytinqdə ilk pilləni ələ keçirəcəyi qeyd edilir.
