Samsung şirkətinin rəsmi saytında SM-G888N0 modelinə həsr olunmuş səhifə yaranıb. Məhz bu model nömrəsi ilə Galaxy X smartfonu qeydiyyatdan keçirilmişdi.
Samsung Galaxy X smartfonu bükülən OLED-displeyi ilə təchiz ediləcək. Bu displeyi tamamilə qatlamaq mümkün olacaq. Ekspertlərin sözlərinə görə, yeni cihazı həm smartfon kimi, həm də ekranın qatlanma xüsusiyyətindən istifadə edərək planşet kimi də istifadə etmək mümkün olacaq. Cihazın təqdimat tarixi və qiyməti dəqiq məlum deyil. Lakin, bildirilir ki, Samsung Galaxy X bu ilin dekabr ayından etibarən istehsal edilməyə başlayacaq və 2018-ci ilin ilk rübündə təqdim ediləcək.
