Dizayn baxımından yeni smartfonlar Pixel-in ötən modellərinə çox oxşayır. Qırmızı on/off düyməsi yeni Pixel-in özəlliklərindən biridir. Google 3.5 mm yuvanı ləğv edərək USB Type-C portuna keçib. Displeydə Always ON funksiyası mövcuddur.
Google Pixel 2 5 düymlük OLED-displey (Full HD) ilə təchiz edilib. Pixel 2 XL flaqmanda isə 6 düymlük (2880×1440) displey quraşdırılıb. Digər xüsusiyyətlər isə eynidir: 12 mpxl. əsas və 8 mpxl. ön kamera, Qualcomm Snapdragon 835 prosessoru, 4 GB RAM / 64 və 128 GB daxili yaddaş, microSD yuva yoxdur. Frontal stereodinamiklər hər iki flaqmana quraşdırılıb. Batareyanın həcmi kiçik modeldə 2700 mAh, böyük modeldə isə 3520 mAh təşil edir. Su və tozdan IP67 müdafiə sistemi mövcuddur. Smartfonlar Android 8.0 Oreo əməliyyat sistemi ilə çalışırlar.
Google Pixel 2-nin qiyməti 649 dollar, Pixel 2 XL-in isə 849 dollar təşkil edir.
