Consumer Report müxtəlif istehlak mallarını sınaqdan keçirən ən nüfuzlu nəşr hesab edilir. Bu dəfə laboratoriyada yeni Apple Watch Series 3 ağıllı saatı sınaqdan keçirilib.
Sınağın nəticələrinə əsasən saatlar öz keyfiyyətini doğruldub. Məsələn, sapfir ekran cızıqlara davamlı qala bilib. Bundan başqa, saat uzun müddət suyun altında istifadə edilib və normal fəaliyyətini qoruya bilib. Cihazın həddindən artıq isinmə faktı isə öz təsdiqini tapmayıb — saatla 20 saat danışıq apardıqdan sonra temperatur səviyyəsi qalxsa da, əhəmiyyətli dərəcədə qızma müşahidə olunmayıb.
