Bir həftə əvvəl şəbəkədə optik barmaq izi skaneri olan Vivo smartfonu haqqında məlumatlar yayılmışdı. Bir çoxları bunun yalnız şayiə olduğunu qeyd etmişdi. Lakin, Vivo şirkəti məsələ ilə bağlı müvafiq reklam bannerini təqdim edərək şayiələri təsdiqləmiş oldu — Vivo dünyada ilk optik barmaq izi skaneri olan smartfon istehsal edəcək.
Vivo X11 smartfonunun anonsu 28 iyun-1 iyul tarixlərində MWC Shanghai təqdimat mərasimində olacağı dəqiqləşib. Xatırladaq ki, optik barmaq izi skaneri ekranın altına yerləşdiriləcək və birbaşa displeydən fəaliyyət göstərəcək.
