Hələlik sirr olaraq qalan yeni əməliyyat sisteminin «Windows 10 Cloud» kimi təqdim olunacağı və bulud servisləri ilə heç bir əlaqəsinin olmayacağı bildirilir. Yayılan məlumatlara əsasən, yeni Windows əsas əməliyyat sisteminin yüngülləşdirilmiş versiyası olacaq və orta və ucuz qiymət seqmentinə aid olan noutbuklar üçün nəzərdə tutulacaq.
Windows 10-un daha yüngül versiyasının təqdim olunmasının ən böyük səbəbi «xrombuklardı». Belə ki, tamimilə Chrome OS əməliyyat sistemi ilə çalışan «xrombuklarla» rəqabət aparmaq üçün Microsoft-un Windows 10 Cloud-u təqdim edəcəyi bildirilib. Əməliyyat sisteminin təqdimat vaxtı isə hələlik məlum deyil.
