Əlil arabalarından istifadə edən fiziki qüsurlu insanlar bir çox hallarda şəhərdə hərəkət etməkdə çətinlik çəkirlər, çünki əlil arabalarının hərəkət edə biləcəyi yerlər çox deyil. Buna görə də, Google şirkəti öz «xəritələr» xidmətinə yeni funksiya əlavə edib. Bu funksiya sayəsində əlil arabalarının hansı küçələrdə hərəkət edə biləcəyi tətbiqdə əks olunacaq. Lakin, Google Maps bütün məkanlar haqqında məlumatları özündə birləşdirmir, ona görə də, əgərə hər hansısa bir küçə və ya alış-veriş mərkəzində əlil arabaları üçün ayrılmış xüsusi keçidləri gördükdə bunu Google Maps-də qeyd etməyi unutmayın. Beləcə siz bir çox fiziki qüsurlu insana kömək etmiş olacaqsız.
