Huawei şirkəti yeni Honor Pad 2 planşetini təqdim edib. Cihaz 8 düymlük Full HD displey, 8 mpxl. əsas və 2 mpxl. ön kameralar ilə təchiz olunub. Planşet iki versiyada təqdim olunur: yalnız Wi-Fi ilə və LTE dəstəyi ilə. Sonuncu versiyada telefon zəngləri etmək mümkündür.
Cihazın daxilində Qualcomm Snapdragon 616 prosessoru, Adreno 405 video sürətləndiricisi, 3 GB RAM, 16 və 32 GB daxili yaddaş quraşdırılıb. Yaddaşın həcmini microSD yuva vasitəsilə 128 GB-dək artırmaq mümkündür. Batareyanın həcmi 4800 mAh təşkil edir.
Planşet Android 6.0 Marshmallow əməliyyat sistemi ilə çalışır.
Huawei Honor Pad 2 ağ və qızılı rənglərdə 16 GB (Wi-Fi) versiya üçün 148 dollara, 32 GB (Wi-Fi) versiya üçün 192 dollara, 32 GB (LTE) versiya üçün isə 222 dollara təqdim edilir.
