Google şirkəti Nexus (2016) smartfonları üçün parametrlər tətbiqinin yenilənmiş versiyasını hazırlayır. Belə ki, parametrlərə cihazın qaranlıq vaxtda rahat istifadəsi üçün göy rəngin filtrasiyası imkanı əlavə olunacaq. Bundan başqa, smartfonun ikili toxunuşla (double tap) aktiv edilməsi funksiyası da mövcud olacaq. Şəbəkədə yeni parametrlər tətbiqinin şəkilləri artıq yayılıb.
Qeyd edək ki, Night Light rejimi Android 7.0 Nougat əməliyyat sisteminin sınaq versiyalarına əlavə olunmuşdu, lakin, bir müddət sonra rejim sitemdən silindi. Problem Night Light rejiminin qrafik prosessoru aktiv etməsində idi və bununla da smartfonun ümumi iş prosesi zəifləyirdi.
