Reuters jurnalistlərinin araşdırmalarına görə İnternet istifadəçilərinin 40%-i xəbərləri mətn olaraq oxumağa üstünlük verir. Bunlardan 35%-i videolara yerləşdirilən reklamlara görə video xəbərləri izləməkdən imtina edir. Keçirilən sorğunun nəticələrinə əsasən istifadəçilərin ümumilikdə 75%-i çox az hallarda və yalnız qısa müddətli video xəbər izləyir.
Tədqiqatçıların sözlərinə görə, bu araşdırma reklam şirkətləri üçün bir növ həyəcan siqnalı rolunu oynayıb, çünki istifadəçilər reklamları ümumiyyətlə görmək istəmir və bu səbəbdən də bir çox xəbər portallarının video xəbərləri çox az baxış sayına sahib olur.
