Dünyanın ən böyük video servisi olan YouTube-un sahibi Google şirkəti «YouTube Director» proqramını təqdim edib. Bu tətbiqin köməyi ilə kiçik və orta biznes təmsilçiləri müstəqil olaraq ucuz qiymətə video reklamlar yarada biləcəklər. Artıq Los-Ancelesdə yerləşən kiçik bir bərbər salonu bu tətbiqdən istifadə edərək öz brendinin tanınmasını 56% artırıb.
Şirkətin planı ondan ibarətdir ki, kiçik və orta biznes sahiblərini video çarx düzəldən istifadəçilərlə bir araya gətirsin. Bu, təxminən belə olacaq: hələlik məhdud sayda olan şəhərlərdə (Los-Anceles, Vaşinqton, Çikaqo, Boston və s.) 150 dollardan başlayan reklam büccəsi olan biznes sahibləri YouTube Director vasitəsilə xüsusi video servisinə müraciət edib çəkiliş komandası ilə əlaqə qura biləcəklər, hansı ki, reklam çəkilişini həyata keçirəcək.
