WWDC 2016 (Apple Worldwide Developers Conference) tərtibatçılar üçün konfransında Apple şirkəti öz əməliyyat sisteminin smartfonlar və planşetlər üçün yeni versiyası «iOS 10»-u təqdim edib.
Bu versiyada bir sıra yeniliklərlə yanaşı daxili tətbiqləri silmək funksiyası yaranıb. Belə ki, Calculator, Calendar, Compass, Contacts, FaceTime, Find My Friends, Home, iBooks, iCloud Drive, iTunes Store, Mail, Maps, Music, News, Notes, Voice Memos, Watch və Weather kimi tətbiqləri smartfondan silmək mümkün olacaq.
Lakin şirkət bildirir ki, bu tətbiqlərin silinməsi smartfonun ümumi funksionallığına zərər yetirə bilər, çünki əməliyyat sistemi bütün bu tətbiqlərlə sinxron şəkildə çalışır.
