Windows əməliyyat sisteminin istifadəçiləri ən azı bir dəfə də olsa Paint proqramından yararlanıblar. Bəziləri üçün isə bu proqram ən yaxşı qrafik redaktor kimi də hesab olunur. Sevindirci xəbər odur ki, Microsoft bu proqramı tamamilə yeniləməyi planlaşdırır. WalkingCat adlı bir istifadəçi Windows Store-da Newcastle adlı proqram aşkarlayıb, hansı ki daha öncə New Paint kimi adlanırdı. Bu, hamımıza yaxşı tanış olan yenilənmiş Paint proqramının özüdür.
Funksionallıqda yeni Paint əvvəlki versiyadan çox da fərqlənməsə də, xarici görünüşü və fəaliyyət sürəti olduqca yaxşıdır. Gözlənilir ki, Microsoft yeni Paint-i Windows 10-un bu ilin yayında baş tutacaq “Anniversary Update” adlı irimiqyaslı yenilənməsi ilə təqdim edəcək.
