Canalys analitiklərinin məlumatına əsasən, 2016-cı ilin ilk rübündə dünyada kompüter satışlarının həcmi 101 milyon təşkil edib. Bu isə ötən ilin analoji dövrü ilə müqayisədə 13% azalmanı göstərir. Kompüter satışlarını araşdıran Canalys yalnız masaüstü cihazları deyil, həm də noutbuk və planşetləri də nəzərdə tutub. Satışların kəskin azalmasının səbəbi kimi smartfon bazarının möhkəmlənmməsi göstərilir. Belə ki, son zamanlarda smartfonlarda yüksək keyfiyyət və qiymət enməsi müşahidə olunur.
Canalys-in araşdırmalarına əsasən, bu ilin ilk rübündə kompüter bazarında Apple liderliyini qoruyub (lakin ötən illə müqayisədə 17% satış azalması ilə), ikinci pillədə isə Lenovo qərarlaşıb (satışların ötən illə müqayisədə azalması müşahidə olunur).
