Şirkət işçilərin bərbad iş şəraiti və həyatına görə dəfələrlə tənqid edilmişdi. Çıxış yolu tapıldı…
Dünyada elektron komponentlərin aparacı istehsalçısı olan Foxconn-un fabrik və yataqxanalarında vəziyyətin ağır olduğu barədə məlumatlar yayılmışdı. Tənqidçilər qeyd edirdi ki, işçilər üçün öhdəlikləri fasiləsiz olaraq uzun müddət ərzində yerinə yetirmək çətindir, şirkət tərəfindən təqdim olunan yataqxanaların isə həbsxanalardan fərqi yoxdur.
Bəli, Foxconn işçilərinin intihar etməsi halları da müşahidə olunurdu. Şirkət bütün tənqidlərə hər şeyin yaxşılaşacağı barədə bəyanatlarla cavab verirdi. Və indi Foxconn 60000 işçisini ixtisar edərək bütün prosesi robotlar sayəsində avtomatlaşdırmaq istəyir. Bunun sayəsində şirkətin daha çox gəlir əldə edəcəyi bildirilir. Foxconn-dan başqa daha 600 şirkət bu strategiyadan istifadə etmək istəyir. Layihənin ümumi dəyərinin 300 milyon dollar olacağı bildirlir. Lakin bu tip ixtisarların regionda sosial problemlər yaradacağı istisna edilmir.
