2018-ci ilədək Facebook, Snapchat, Instagram, Twitter sosial şəbəkələri məktəblilərə valideyn icazəsi olmadan qeydiyyatdan keçməyi qadağan edəcək xüsusi bir alqoritm tərtib etməlidirlər. Financial Times xəbər verir ki, bu barədə müvafiq fərman Avropa Parlamenti üzvləri tərəfindən təsdiq edilib.
Qeyd edək ki, yeni qaydalara əsasən 16 yaşdan aşağı uşaqlara sosial şəbəkədə qeydiyyatdan keçmək üçün valideyn icazəsi lazım olacaq. Hal-hazırda Böyük Britaniyada 11 yaşdan aşağı uşaqların 20%-nin Facebook hesabı var. 12-17 yaş arası uşaqlarda isə bu göstərici olduqca yüksəkdir – 80%. Yeni qərarla Avropa Birliyi ölkələrində sosial şəbəkə istifadəçiləri üçün yaş məhdudiyyəti 13 olacaq. Fransada isə heç bir dəyişiklik olmayacaq. Belə ki, orada Facebook-da qeydiyyat üçün ən az 16 yaş tələb olunur.
