Ən məşhur onlayn kartoqrafiya xidmətlərindən biri olan Google Maps — Bakı şəhərinin ərazisində yol tıxaclarının yüklənmə dərəcəsini göstərməyə başlayıb. Qeyd etmək lazımdır ki, hal-hazırda bu imkan yalnız iOS və Android sistemli qurğularda işləyir. Maps.google.com saytının veb versiyasında «Traffic» funksiyası («Probkalar») işləmir. Lakin, bu istinad üzrə keçsəniz, tıxacları görə bilərsiniz:
Xəritənin aşağı hissəsində yolların (Live Traffic) cari yüklənmə səviyyəsini , həm də həftənin və saatın müəyyən günü üçün tipik yüklənmə (Typical traffic) səviyyəsinə baxmaq imkanı var. Güman edirik ki, Bakıda Google xəritələrinin bu funksionalı hələ ki yoxlama mərhələsindədir və istifadəçilərin mobil qurğuları isə informasiya mənbəyi rolunu oynayır. Qeyd edək ki, daha əvvəl tıxacların onlayn şəkildə xəritə üzərində təsviri — GoMap.az saytında yaranıb. Həmçinin, Nəqliyyatın İntellektual İdarəetmə Mərkəzi Bakı şəhərində tıxaclar haqqında informasiyanı www.niim.az saytında təqdim edir.
