Facebook yaradıcısından Amerika və Britaniya hakimiyyətinə istifadəçilərin şəxsi məlumatlarına müdaxilə haqqında ifadə vermək tələb edilib.
Belə ki, son zamanlar Facebook-a qarşı istifadəçilərin şəxsi məlumatlarının Cambridge Analytica adlı ingilis şirkətinə verilməsinə görə ittihamlar irəli sürülüb. Qeyd edək ki, məhz bu şirkət 2016-ci prezident seçkilərində Donald Trampın seçki kampaniyasına dəstək olmuşdur. Ötən həftə Facebook bildirdi ki, Cambridge Analytica-ya bütün serverlərini bağlayıb və əldə edilən istifadəçi məlumatlarının silinib-silinməməsi barədə araşdırma başladılıb.
