Tərtibatçıların Apple Watch-a marağı azalır

Apple Watch «ağıllı» saatlarının dünyanın ən populyar daşınan cihazına çevrilməsinə baxmayaraq, tərtibatçıların bu saatlara marağı azalır. Onlar bildirir ki, bu saat üçün proqramlar tərtib etmək mənasızdır, çünki onlar müstəqil olaraq işə salınmır. Business Insider məlumat verir ki, iOS-a aid 100.000 tətbiqin çox az bir hissəsi Apple Watch üçün nəzərdə tutulub. Məhz buna görə tərtibatçılar gözləyirlər ki, Apple şirkəti saatlarda tətbiqləri iPhone-dan asılı olmayaraq işə salmağa şərait yaratsın. İstisna olunmur ki, Apple belə bir yeniliyi WWDC 2016 konfransında təqdim edəcək.