MWC 2026 sərgisində Huawei süni intellekt bazarına yönəlmiş ən iddialı məhsullarından birini nümayiş etdirib — Huawei Atlas 950. Yeni sistem neyron şəbəkələrin öyrədilməsi və tətbiqi üçün hazırlanıb və şirkət onu NVIDIA-nın server klasterlərinə alternativ kimi təqdim edir.
Atlas 950-nin texniki göstəriciləri kifayət qədər təsirlidir. Sistem 8192 ədəd Ascend 950 çipi ilə təchiz olunub. Hesablama gücü FP8 formatında 8 EFLOPS, FP16 formatında isə 16 EFLOPS səviyyəsində qiymətləndirilir. Klaster daxilində ümumi ötürmə qabiliyyəti 16,3 petabayt/s təşkil edir. Ən diqqətçəkən məqamlardan biri isə yaddaşdır — Huawei-nin özünün hazırladığı HiZQ 2.0 HBM çipləri əsasında qurulan sistem 1152 terabayt operativ yaddaşa malikdir.
Şirkət nümayəndələrinin sözlərinə görə, Atlas 950 böyük dil modellərinin (LLM), generativ süni intellekt sistemlərinin və digər mürəkkəb İİ alqoritmlərinin hazırlanması üçün optimallaşdırılıb.
Huawei bildirir ki, yeni superkompüter struktur baxımından fərqli memarlığa malikdir və NVIDIA şirkətinin Vera Rubin platforması (NVL576) ilə rəqabət aparmağa hazırdır. Bununla belə, avadanlığın satışa çıxarılma tarixi və qiyməti hələlik açıqlanmayıb.
