Apple, Liquid Glass dizaynına baxmayaraq tənqidlərə boyun əymədi və iOS 26-nın dördüncü beta versiyasını yayımladı. Yeni versiyada interfeys elementləri yenidən işlənərək oxunaqlılığı artırılıb, lakin ümumi üslub əvvəlki kimi qorunub.
Vizual dəyişikliklərlə yanaşı, iOS 26 beta 4 bəzi funksional yeniliklərlə də gəlib. Sistemi ilk dəfə işə salan istifadəçilər yenilənmiş ekran və təlimat mesajları ilə qarşılaşacaqlar. Şirkət həmçinin avtomatik xülasə sisteminin işlənməsinə xüsusi diqqət yetirib.
Üçüncü beta versiyasında bəzi elementlərin şəffaflığını azaltmışdılar, bu isə istifadəçilərin narazılığına səbəb olmuşdu. Yeni versiyada isə həmin effektlərin bir hissəsi geri qaytarılıb, ancaq elementlərin oxunaqlılığı qorunub. Dəyişikliklər App Store, “Şəkillər”, Apple Music, “Hava” və digər tətbiqlərə də şamil olunub. Bundan başqa, bildiriş mərkəzində skroll zamanı dinamik işıqlandırma effekti əlavə olunub.
