YouTube tərtibatçıları platformada yayımlanan videolarda reklam blokları üçün hazırlanan yenilikdən danışdılar. Reklamdan imtina etməkdən söhbət getmir, amma ən azından izləyiciləri narahat etməməlidir. 
12 may tarixindən etibarən YouTube-da videoların əsas hissələrində reklamların sayı azalacaq. Başqa sözlə, reklam daxilolmaları video səsini yarıda kəsərək heç gözlənilməyən anda başlamayacaq. Bunun əvəzinə, onlar video ardıcıllığında təbii fasilə nöqtələrinə daxil edilməyə başlayacaqlar.
Yeni reklam şərtləri nəzərə alınaraq, 24 fevral tarixindən əvvəl YouTube-a yüklənmiş videolar avtomatik olaraq yenilənəcək. Əgər istəsələr, məzmun yaradıcıları bu yenilikdən YouTube Studio-da imtina edə bilərlər. Lakin hosting nümayəndələri bildirirlər ki, izləmə zamanı reklam peyda olunan videolar daha az gəlir gətirə bilər.
Reklamları əl ilə daxil edən müəlliflər, onların yayımın qarşısını almadığından əmin olmalıdırlar. Bunun üçün YouTube düzgün yerləşdirmə üçün məsləhətlər verən yeni bir funksiyanı istifadəyə verəcək. Həmçinin, şirkət avtomatik yerləşdirmədən imtina etməməyə çağırır. Google məlumatlarına görə, həm avtomatik, həm də əl ilə reklam yerləşdirən müəlliflər, ümumilikdə, gəlirlərini 5%-dən çox artırıblar.
