Xiaomi smartfon ailəsi Qin 3 Ultra adlı qeyri-adi modellə tamamlandı. Ölçülərə görə cihazı klassik iPhone 5 ilə müqayisə etmək olar, lakin nəzərəçarpacaq dərəcədə böyük ekran ölçüsünə malikdir. Yenilik sahibini təhsildən yayındırmayacaq “tələbə” smartfonu kimi yerləşdirilib.
Xiaomi Qin 3 Ultra MediaTek Helio G99 prosessoru ilə təchiz olunub və tək 8/256 GB konfiqurasiyada gəlir. Onun displey diaqonalı 5,02 düymdür (1520×720 piksel). 5 meqapiksellik ön kamera matrisin yuxarı sol küncünə yerləşdirilib. Əsas kameranın təsvir ölçüsü 8 meqapikseldir. Bundan əlavə, smartfon güc düyməsində barmaq izi skaneri, Type-C konnektoru və 2500 mAh tutumlu batareya əldə edib.
Reklam afişalarının birində istehsalçı qeyd edir ki, qurğu “yeniyetməni videolardan, oyunlardan və internetdən asılılıqdan məhrum etməyə qadirdir”. Bunun sirri Android 12-yə əsaslanan cihazın proqram təminatında yatır: ona quraşdırılmış proqramlar mağazası sizə “artıq” proqram yükləəməyə imkan vermir.
Bizi Telegram kanalımızdan da izləyə bilərsiniz. https://t.me/infocity_az
