Samsung 2022-ci il üçün monitor seriyasından üç yeni modeli təqdim etdi. nların hamısı rəsmi olaraq yanvarın 5-dən 7-dək Las-Veqasda keçiriləcək CES 2022 sərgisində nümayiş etdiriləcək.
Monitorlardan birincisi Samsung Odyssey Neo G8-dir. Bu 32 düymlük model dünyanın ilk 4K 240Hz televizoru adlandırılıb. Yenilik Quantum Mini LED texnologiyasından istifadə edir. Ən yüksək parlaqlıqda monitor 2000 nit-ə qədər çatabilər. O, həmçinin iki HDMI 2.1 portunu və bir DisplayPort 1.4-ü dəstəkləyir.
Növbəti model daxili Google Duo proqramı ilə işləyən veb-kamera ilə təchiz edilmiş Smart Monitor M8-dir. Monitor həmçinin cihazın Smart TV kimi istifadə edilməsinə imkan verən axın xidmətləri üçün əvvəlcədən quraşdırılmış proqramlar ilə gəlir. Cihaz, 32 düymlük UHD panelə malikdir.
Üçüncü model — Samsung S8 — «kontent» yaratmaq üçün nəzərdə tutulub. UHD təsviri ilə 32 və 27 düym ölçülərdə mövcuddur. Belə monitorda heç bir parıltı olmayacağı bildirilir.
Yeniliklər 2022-ci ilin birinci yarısında çıxacaq.
Bizi Telegram kanalımızdan da izləyə bilərsiniz. https://t.me/infocity_az
