İtalyan müəllifi Paolo Alivertinin «Elettronica per Maker» kitabı «Hər kəs üçün elektronika» adı altında tərcümə edilib və məhdud sayda satışa buraxılıb. Tərcüməçi qismində Sumaks şirkərinin aparat vəsaitləri və məhsulları departamentinin departament rəhbəri Elgün Həsənov çıxış edib.
İtaliyalı robototexnik-mühəndis Paolo Aliverti iddia edir ki, «Elektronika çox sadədir!». Əgər siz heç vaxt elektrotexnika ilə işləməmisinizsə və başlamaq həvəsiniz varsa və ya biliklərinizi yeniləmək istəyirsinizsə, bu kitab məhz sizin üçündür! Kitabda elektronika sahəsi üzrə əsas bilikləri, məsələn elektrik cərəyanı, gərginlik, müqavimət və elektron komponent, sxem, mikrokontrollerlər haqqında yeni istifadəçi üçün önəmli olan məlumatları əldə etmək mümkündür. Bu kitabı masaüstü vəsait etməklə, Arduino, Raspberry Pi və ya öz əlləri ilə məişət texnikasinin təmiri üzrə şəxsi DIY-layihələri həyata keçirmək mümkündür. Hətta yeni istifadəçi üçün əlçatan şəkildə təqdim edilən çoxlu sayda rəsmlər və sadə, anlayışlı izahlar kitabı əlaltı tədris vəsaitinə çevriləcək.
Kitabın məzmunu ilə tanış olmaq üçün bu linkdən, kitabı sifariş vermək üçün isə buradan keçid edə bilərsiniz.
