Tanınmış insayder RODENT950 öz Twitter səhifəsində Huawei-in qarşıda üç yeni cihaz təqdim edəcəyinə işarə edən tizer paylaşdı. Görüntüdə təqdimatın tarixi, yəni 10 sentyabr 2020-ci il və gələcək məhsulların üç nişanı göstərilib.
Göründüyü kimi, Huawei yeni nəsil noutbukları (ehtimal ki, MateBook X seriyası), ağıllı saatları (Watch GT2 Pro və Watch Fit), eləcə də inteqrasiya edilmiş səs köməkçisi ilə ağıllı bir dinamik təqdim etməyi planlaşdırır. Yeni məhsulların texniki xüsusiyyətləri və dəyəri barədə hələki məlumat verilməyib.
