Artım analitiklərin gözləntilərini doğruldub. Twitter şirkəti 2019-cu ilin ikinci rübünün hesabatını yayımlayıb. Bu müddət ərzində gəlirlər 841 milyon dollar təşkil edib ki, bu da ötən ilin analoji rübü ilə müqayisədə 18% daha artıqdır. Analitiklərin proqnozları da doğruldu və hətta daha artıq göstərici qeydə alındı — 829 milyon dollar proqnozlaşdırılırdı.
Reklamdan gələn gəlir 727 milyon dollar təşkil etdi ki, bu da 21% artım deməkdir. Verilənlərin lisenziyalanması və digər mənbələrdən gələn gəlirlər 114 milyon dollar təşdil etdi. Bazar seqmentində artım isə 4% oldu.
Şirkətin təmiz gəliri ikinci rübə görə 1,1 milyard dollara çatıb. Lakin, bu göstərici vergi ödənilməsinin təxirə salınması ilə əlaqədar olaraq belə yüksəkdir. Vergi faktoru nəzərə alınarsa xalis gəlir 58 milyon dollar təşkil edəcək.
