Business Insider resursu üç ən böyük texnoloji şirkət olan Google, Facebook və Amazon-un internet-biznesə təsiri haqqında qrafik hazırlayıb. ABŞ-da bu üç nəhəng şirkət bazarda liderdilər.
Qrafikin sol hissəsində rəqəmsal biznesin sahələri göstərilib, sağ tərəfdə isə hər üç nəhəngə düşən payın miqdarı. Belə ki, internet satışlarının 37.7%-i Amazona məxsusdur, reklam şirkətlərinin 37.2%-i xərcləri Google-un payına düşür, sosial şəbəkələrdə reklam xərclərinin 83.3%-i isə Facebook-a məxsusdur. eMarketer-in hesablamalarına əsasən, ABŞ-da rəqəmsal reklama xərclənən hər 3 dollardan 2-si məhz bu üç nəhəng şirkətin kassasına gedir. ABŞ hakimiyyəti artıq çoxdandır ki, bu «monopoliyanın» qarşısını almaq lazım olduğunu qeyd edib, lakin, heç bir tədbir görə bilməyib.
