Microsoft şirkətinin yaradıcısı və dünyanın ən varlı insanlarından biri olan Bill Gates şirkət başçısı kimi etdiyi ən böyük səhv haqqında danışıb. Belə ki, o bildirib ki, məhz Microsoft Apple-ın təqdim etdiyi iOS əməliyyat sisteminin ən böyük rəqibi olmalı idi, Android deyil. İndi artıq gecdir və Google-u bazardan çıxarmaq demək olar ki, mümkünsüz hala gəlib.
Bu barədə Gates Village Global fondunun təşkil etdiyi tədbirdə məlumat verib. Onun sözlərinə görə dünyada Apple iOS-una rəqib olaraq yalnız bir əməliyyat sistemi üçün yer var və o da artıq Google tərəfindən ələ keçirilib. Bill Gates də məhz vaxtında hərəkətə keçərək əməliyyat sistemi hazırlamadıqları üçün peşmanlığını gizlətmir.
Xatırladaq ki, Gates-in şirkəti 2000-ci ildən öz mobil əməliyyat sistemləri üzərində çalışırdı. 2010-cu ildə Microsoft Windows Phone əməliyat sistemini təqdim etdi və populyarlığa görə üçüncü yeri tuta bilmişdi. Lakin, 2018-ci ildə şirkət ümumiyyətlə bu sistemin fəaliyyətini dayandırdı.
