Microsoft startapların dəstəyi üçün iki il ərzində 500 milyon dollar xərcləyəcək

Microsoft öz məhsullarının istehsal sürəti və keyfiyyətinin artırılması yöndə başlanan startapları iki il ərzində 500 milyon dollar vəsaitlə dəstəkləyəcək. Proqramın adı Microsoft for Startups olaraq təyin edilib. Microsoft qeyd edib ki, bunun sayəsində onlar korporativ təşkilatlar üçün bulud həllərini təqdim edə biləcəklər. Startaplar bütün texniki dəstək ilə təchiz ediləcəklər — Node.js, Java və .NET dillərindən istifadə də bu dəstəyə daxildir. Bundan əlavə startaplar biznes tətbiqlərinə (Office 365 və s.) tam giriş əldə edirlər və 120 min dollar məbləğində Azure sistemlərindən istifadə üçün ödənişsiz kredit ilə təmin edilirlər.