Avropa İttifaqı kriptovalyuta birjaları istifadəçilərinin məcburi yoxlanışını tətbiq edəcək

Avropa İttifaqı hakimiyyəti çirkli pulların «yuylması» və terrorizmə maliyyə dəstəyinə mübarizə tədbirləri çərçivəsində kriptovalyuta birjalarının fəaliyyətində ciddi yoxlamalar aparacaq. Ən mühüm addımlardan da biri anonim tranzaksiyaların ləğv edilməsi olacaq. Bütün birja və pulqabılar məcburi identifikasiya olunacaqlar. Bundan əlavə, Avropa araşdırma orqanları kriptovalyuta birjalarının məlumatlarını əldə edə biləcəklər.