Çox güman ki, online alış-veriş etdikdə bu termin qarşınıza çıxıb. PayPal — maliyyə xidməti göstərən bir servisdir. eBay şirkətinə məxsus olan bu servis vasitəsilə siz bir növ rəqəmsal pulqabı əldə edirsiz, hansı ki, online alış-verişdə sizə lazım olur. Pul hesabınızdan daha gec çəkilir. Bu amil sifarişlərin vaxtında əldə edilməməsi zamanı çox vacib sayılır.
PayPal hesabı pulsuzdur. Servis yüksək təhlükəsizlik sisteminə sahibdir. Hesabın açılması və ödənişlərin edilməsi asandır. PayPal ilə ödənişlər daxili şəbəkədə reallaşır. Başqa sözlə ifadə etsək, sizin bank hesabı və ya kart məlumatlarınız satıcıdan tam olaraq gizlədilir. Beləcə PayPal ödənişləri öz hesabından edir, sonra isə həmin məbləği kartınızdan çəkir.
