San Marino dünyada ilk ölkə olacaq ki, bütün ərazisi 5G şəbəkə ilə təmin ediləcək və bu 2018-ci ilin sonunadək baş verəcək. Siyahıda ikinci yer Yaponiyaya məxsusdu — burada 5G şəbəkənin ölkəni tam əhatə etməsi 2023-cü ildə baş verəcək.
Qeyd edək ki, layihə ilə yerli şirkət olan Telecom Italia Mobile (TIM) məşqul olacaq. 5G şəbəkə ilə Milan və Turin kimi şəhərləri də təmin ediləcəyi bildirilir. Avropa komissiyasının məlumatına əsasən, 5G şəbəkələrinə keçid üçün 56 milyard avro vəsait lazım olacaq. Lakin, iqtisadi cəhətdən bu, gəlirli addımdır. Çünki layihə baş tutarsa 113 milyard gəlir və 2.3 milyon yeni iş yeri açılacaq.
