Amerikalı alimlər araşdırmalarından belə qənaətə gəliblər ki, şəkil çəkmək insan yaddaşına yaxşı təsir bağışlayır. Pensilvaniya Universitetinin alimləri bir sınaq keçiriblər. Sınaqda 294 könüllü iştirak edib. İştirakçılar iki qrupa bölünüb və hamısı bir muzeyə eksponatları izləmək üçün göndərilib. Bir qrup özləri ilə fotoaparat götürüb, digəri isə audio məlumatlar dinləməklə kifayətləniblər.
Nəticədə məlum olub ki, şəkil çəkən qrup eksponatları daha yaxşı yadda saxlayıb. Belə ki, şəkil çəkmək vizual yaddaşı gücləndirir.
