Samsung şirkəti Galaxy S8 və S8 Plus smartfonları ilə birgə özünün Bixby adlı virtual köməkçisini də təqdim edib. Bu funksiyanı aktiv etmək üçün smartfonun sol kənarına mexaniki düymə yerləşdirilib. Rəqibləri olan Siri, Alexa və Google köməkçiləri ilə müqayisədə Bixby məlumatları İnternetdə axtarmaqla yanaşı, smartfonun öz istifadəsində yardımçı olur. İstehsalçılar bildirir ki, Bixby Google Play Music və Samsung Connect-lə də çalışacaq.
Bixby real zamanda kameranın istiqamətləndiyi əşyaları müəyyə edə və onlar haqqında məlumat əldə edə bilir. Assistent mətnləri tərcümə edir, QR-kodları oxuyur və s. Köməkçi ingilis, koreya və çin dillərində fəaliyyət göstərəcək.
