Samsung CES 2017 sərgisində yeni nəsil ağıllı soyuducu olan Family Hub 2.0-ı təqdim edib. Xatırladaq ki, bu soyuducunun ilk versiyası ötən il təqdim olunmuşdu və 5600 dollara satışa çıxarılmışdı.
Family Hub 2.0 isə təxminən 10 növdə təqdim olunacaq (iki qapılı, üç qapılı və s.). Soyuducunun əsas özəlliyi 21.5 düymlük Full HD-displeydir. Daxilə yerləşdirilmiş kameralar vasitəsilə ərzaqların miqdarı haqqında məlumat almaq da mümkündür. Ərzaqların görüntülərini Groceries tətbiqinə əlavə etməklə birbaşa sifariş etmək olar. Daha bir yenilik isə soyuducunun səsli köməkçi vasitəsilə idarə olunmasıdır.
