Samsung şirkətinin birbaşa rəqibi olan LG IFA 2016 sərgisi çərçivəsində Smart Instaview Door-in-Door ağıllı soyuducusunu təqdim edib.
Maraqlısı odur ki, bu soyuducu Windows 10 əməliyyat sistemi üzərində çalışır. Soyuducunun sağ qapısı 29 düymlük yarı şəffaf displey ilə təchiz edilib. Bu displey vasitəsilə cihazın daxilində olanlara baxmaq, taymeri aktiv etmək, ərzaq siyahısına baxmaq, vaxt və hava şəraitinə baxmaq mümkündür. «Start» düyməsinə klikləyərək isə Windows-a keçmək mümkündür.
Soyuducunun satışa çıxarılacağı tarix və təxmini dəyəri açıqlanmır.
