Whatsapp mobil nömrə bazasının Facebook-a göndərilməsi barədə məlumatları təsdiqləyib. Şirkətin sözlərinə görə, bundan sonra Messenger və WhatsApp mobil nömrə ilə bir birinə bağlı olacaqlar və Facebook öz reklamlarını istifadəçinin istəyinə uyğun olaraq təqdim edə biləcək. Qeyd edək ki, reklam auditoriyasının genişləndirilməsi və dəqiqləşdirlməsi üçün atılan bu addım istifadəçilər tərəfindən mənfi qarşılana bilər.
Buna baxmayaraq, şirkət istifadəçilərin şəxsi mesajlarının və nömrələrinin heç bir şəkildə sosial şəbəkədə yayılmayacağına dair söz verib. Şirkət rəsmiləri qeyd edirlər ki, istifadəçilərin nömrələri heç bir fiziki və ya hüquqi şəxslə paylaşılmayacaq.
