25 il öncə, 6 avqust 1991-ci ildə ingilis Tim Bernes-Li tərəfindən ilk veb-sayt yaradılmışdır. Texnologiyanın inkişafında növbəti addım ilk veb-brauzer Mosaic-in 1993-cü ildə yaradılması olmuşdur.
Bernes-Li İnterneti akademik tərəfdaşlıq üçün yaratmağı planlaşdırmışdı, lakin onun bu addımı tarixi texnoloji inqiliba çevrildi.
«Vebin atası» adlandırılan Bernes-Li müxtəlif sənədlərin istifadəçilər arasında paylaşılması üçün onları hiper mətnlər formasında hiper ünvanlara yerləşdirilməsini təklif etmişdir.
Hal-hazırda Tim Bernes-Li World Wide Web konsorsiumunun başçısı olaraq İnternetin təkmilləşdirilməsi üçün çalışır.
