Populyar foto tətbiqi Prisma, hansı ki, şəkilləri məşhur rəssamların stilində redaktə edir, ilk dəfə olaraq tamamilə dizaynını yeniləyib. Belə ki, tətbiqdə filtrlər lenti yaranıb. Onun köməyi ilə seçimləri tərk etmədən şəkilləri redaktə etmək mümkündür. Bundan başqa, Prisma-da yeni stillər əlavə olunub və istifadəçilər yeni filtrlər haqqında bildirişlər alacaq. Daha bir yenilik ondan ibarətdir ki, tətbiqin parametrlərində Prisma loqotipinin şəkillərinizə avtomatik quraşdırlması funksiyası yaranıb.
Xatırladaq ki, Prisma foto tətbiqi sürətlə məşhurlaşmağa davam edir. İyun ayının ortalarından etibarən 9 gün ərzində Prisma App Store-un ən çox yüklənən tətbiqinə çevrilib.
